Monday, April 5, 2010

தங்கம்

பெண்களுக்கு சம உரிமை சொத்தில் இல்லாத காரணம், அந்த காலத்தில் தங்கமாக சீதனம் கொடுத்தார்கள். இப்போது தான் சட்டம் இருக்கே? இருந்தாலும் விடிவு இல்லை. ஆண் பிள்ளைகள் - அக்கா தங்கைகளுக்கு இன்றும் கொடுப்பதில்லை. என் அக்காவிற்கு, என் அப்பாவின் பாதி சொத்து கல்யாண சமயத்தில் செலவானது. ஒவ்வொரு பைசாவிற்கும் அப்பா கணக்கு வைத்திருக்கிறார். அவருக்கு பிறகு, என் அக்கா மீண்டும் சொத்து கொடு என்று வந்து கேட்கமாட்டாள் ( இதற்கும், சொந்த வீடு வைத்திருக்கும் டாக்டர் மாப்பிள்ளை அமெரிக்க சிடிசன் வேறு ) என நிச்சயம் கிடையாது. இப்போது சொல்லுகிரார்ல், நம்பியூரில் இருக்கும் காட்டில், பாதி அவளுக்கு வேண்டுமாம், பார்ம் ஹவுஸ் கட்ட. இப்போதும் இரண்டு வருடம் ஒரு முறை லீவில் வந்தால் இரண்டு மூன்று லட்சங்கள் அவள் குடும்பத்திற்கு அப்பா தான் செலவு செய்கிறார்.

நல்ல வாழ்க்கைக்கு தங்கம் போடுவது கொழுப்பு தான். காசில்லாபோது அந்த கொழுப்பு தான் அடமானமோ விற்றோ வயிற்றுக்கு சோறு போடும். சொந்தங்கள் வந்தால் ஒரு வாய் காப்பி தண்ணி கொடுக்க முடியும். இந்த மாதிரி பதிவுகள் படிக்க இன்டர்நெட்டுக்கு பில் கட்ட எங்கிருந்து வரும் காசு? :-)

என்னமோ ஐ.டி. துறையில் தான் வேலை நிரந்தரம் என்று சொல்கிறீர்கள். இப்போது ஒவ்வொரு நாளும் கொடுமைங்க. நானும் படிப்பு முடித்தவுடன் நாலு பேருக்கு வேலை கொடுக்கும் எண்ணத்தில் திருப்பூரில் சிறு ஐ.டி. கம்பெனி ஒன்று ஆரம்பித்தேன். வேலை செய்தவர்கள் பெரிய கம்பெனிக்கு போவதற்கே, படியாக பயன்படுத்தினார்கள். பெங்களூர் வந்தால் வேலை இல்லாமல் இருக்கும் என் நண்பர்கள், எனக்கு வாழ்வு கொடுத்தவர்கள், கஷ்டத்தில், கட்டட மேஷ்திரிகளாக ( சிவில் படித்தவர்கள், ஏசி ரூமில் வாழ்ந்தவர்கள் ) இருப்பதை காட்டுகிறேன். பிக் பஜாரில் தினம் நூறு ரூபாய்க்கு சாமானம் கட்டுகிறார்கள். எனக்கு கிழே வேலை பார்த்த ஒருவன் கோரமனகளா செட்டிநாடு ஹோட்டலில் ஆர்டர் எடுக்கிறான், உணவு இலவசம், இரநூறு ருபாய் சம்பளத்திற்கு. எங்கே போயிற்று சங்கங்கள் ஐ.டி. துறையில்? பணக்காரர்கள் செலவு செய்யாவிட்டால், ஏழைகள் எப்படி வாழ்வார்கள்? கார்ல் மார்க்ஸ் எழுதிய கேபிடல் ஒரு முறை படித்து விடவும்.

No comments:

Post a Comment